ΕμμανουηλίδηςT Rf lqt b hJj r pUuxSs Oo IiRr 4
Οι Μανουηλάντων εν τρανόν οικογένειαν. Ο Χρήστον ο δέσκαλον έτον δέσκαλος σην Λίτσασα τη Γαράσαρης. Εκεί σην εκκλησίαν ¨Αγιον Γεώργιον σην ανταλλαγήν, έγραψεν απές΄σον ναόν την υπογραφήν ατ΄. Οταν τα παιδία ατ΄εδέβαν σην Λίτσασαν εκλαψον άμον ντο είδαν την υπογραφήν του πατέρα ατουν. Σο χωρίον ατόν επήρε την ομορφέσσα Βασιλικήν, που εγενέθεν σην Νικόπολιν τη Γαράσαρης και έτον πολλά ευκατάστατος.
Ο Χρήστος και η Βασιλική έρθαν σο χωρίον Κύργια Δράμας και εποίκαν επτά παιδία. Πρώτος ο Γιωρίκας που εδέβεν σην Αμερικήν και έντονε καθηγητής Παιδιατρικής Καρδιολογίας σο Πανεπιστήμιο Καλιφόρνιας σο Λος Αντζελες. Ατός έτον και ακαδημαικός σην Αθήνα. Δεύτερος ο Γιάννες, έτον δικηγόρος σην Δράμαν και πρόεδρος του Δικηγορκού συλλόγου. Τρίτος ο Εμμανουήλ, έντονε δάσκαλος και επεκεί δικαστής και έφυγεν ως πρώτος Πόντιος αεροπαγίτης. Τέταρτος ο Νικόλαος, καθηγητής φιλόλογος, και λυκειάρχης, εδούλεψεν πολλά χρόνε σην Ιωνίδειον Σχολή Πειραιώς και σην Ευαγγελική Σχολή. Ο Ιωσήφ έντονε ιατρός ακτινολόγος σην Δράμα, και διευθυντής ακτινολογίας σην Δράμα. Ο έκτον ο Δημήτριος, έντονε μαθηματικός, εσπούδασε μεταπτυχιακά σην Αμερικήν, αλλά νέος αφήκεν τα εγκόσμια σε αυτοκινητιστικό δυστύχημα σίτα έρθεν σην Ελλάδα. Η τελευταία, Σοφία, το μόνον κορίτσ επήρε το όνομα της καλομάνας Σοφίας. Ατέ πολλα εξυπνέσσα έτον και εσπούδασεν αδά σο Πολυτεχνείον ως αρχιτέκτων. δέβε σην Γαλλίαν και επέρε μάστερ και εργάζεται σην Αθήνα.
Τα εφτά παιδία εποίκαν δεκαεφτά χάταλα, και μέχρι ατώρα, Καλανταρτσ 2010, τα παιδία ατουν εποίκαν άλλα δεκαοχτώ χάταλα.