Uaithorsorgc2iKk
| Valdkund | Kanad |
| Eläjiden lugu (2016) | 25 085 ristitud |
| Pind | 416,54 km² |
| |
| Pämez' | Den Körtis (2 012—) |
| Telefonkod | +1-867 |
| Aigvö | tal'vel UTC−8 kezal UTC−7 |
Uaithors (angl.: Whitehorse, francine virkand: [wajtɔʁs]) om lidn Kanadan lodehes, Jukon-territorijan pälidn da sen regionan kaikiš suremb lidn.
Südäiolend
- 1 Istorii
- 2 Geografijan andmused
- 3 Eläjad
- 4 Irdkosketused
Istorii[redaktiruida | redaktiruida purde]
Eländpunktan aluz om pandud vl 1898 Klondaikan kuldsäruläžundan aigan. Löuzihe vas'ken kivendoid i sadas niid tähäsai. Ende territorii oli elänzoittud harvoin, indejalaižed tuleškeliba sihe mecadamha. Vl 1900 raudte ühtenzoiti Uaithorsad Aläskan Skaguei-portanke. Sai lidnan statusad (city) vl 1950 2 594 eläjad ristitištonke.
Vn 1953 1. päiväl elokud panihe lidnad Jukon-territorijan pälidnaks, ende Douson oli. Vspäi 1957 nimitusen oficialine kirjutamine om nügüdläine, ende oli White Horse.
Geografijan andmused[redaktiruida | redaktiruida purde]
Lidn sijadase territorijan suves, Jukon-jogen molembil randoil läz sen vezilanktendoid, 680 m ü.m.t. keskmäižel korktusel. Om mägid lidnan ümbrištos. Lidn om nimitadud vezilanktendoiden mödhe i znamoičeb «vauged hebo» anglijan kelespäi.
Klimat om subarktine, alangištoline sijaduz pehmdab sidä. Heinkun lämuz om +14,3 C°, vilukun — −15,2 C°, voden keskmäine lämuz om −0,1 C°. Paneb sadegid läz tazomäras vodes ümbri, 160 mm vihmaks i 142 sm lumeks, vähemba kaiked sulakus.
Eläjad[redaktiruida | redaktiruida purde]
Vn 2011 Kanadan rahvahanlugemižen mödhe Uaithorsan eläjiden lugu oli 23 276 ristitud, territorijan kaks' koumandest, i 40 heišpäi oliba venälaižed. Kodikel' (2011): anglijan — 84,3%, francijan — 4,6%, toine — 9,7% (saksan, tagalog, ispanijan, kitajan i alaman keled). Augotižlibund (2011): evropan — 75,5%, igähižed rahvahad — 16,5%, toižed rahvahad — 8,0%.
Uskondan mödhe (2011): hristanuskojad — 45,3%, toine uskond — 3,3%, religijatomad — 51,4%.
Irdkosketused[redaktiruida | redaktiruida purde]
- Lidnan municipalitetan oficialine sait (whitehorse.ca). (angl.) (fr.)
 |
Uaithors Vikiaitas |
| Kanadan provincijad da territorijad i niiden administrativižed keskused | |||
| Provincijad | Al'bert (Edmonton) | Britanine Kolumbii (Viktorii) | Eduard-princan Sar' (Šarlottaun) | Kvebek (Kvebek-lidn) | Manitob (Vinnipeg) | Nju Bransujik (Frederikton) | Saskačevan (Redžain) | Njufaundlend da Labrador (Sent Džons) | Ontario (Toronto) | Uz' Šotlandii (Galifaks) | ||
| Territorijad | Jukon (Uaithors) | Lodehližed territorijad (Jellounaif) | Nunavut (Ikaluit) | ||